Kufanya kongamano la Misikiti ya Ulimwengu wa Kiislamu Kuunga mkono Palestina
Katika kikao hicho, Sheikh Abdulhamid ameashiria hali ya uchungu katika Ukanda wa Gaza na kulaani mauaji ya utawala wa Israel dhidi ya wanawake na watoto wasio na hatia huko.
Alisema ili kuwaunga mkono watu wa Palestina, kongamano la misikiti ya ulimwengu wa Kiislamu linahitaji kuandaliwa.
Amebainisha kuwa misikiti ni taasisi muhimu za kidini katika jamii ya Kiislamu.
Hujjatul Islam Seyed Navab alikaribisha wazo la kufanyika kwa kongamano hilo na kusema atalijadili na mkuu wa baraza la kutunga sera la viongozi wa Sala ya Ijumaa wa Iran.
"Natumai kuandaa kongamano kutasaidia (kuimarisha) umoja kati ya Waislamu wote," aliongeza.
"Tutafanya kila tuwezalo kuboresha hali ya Palestina," aliendelea kusema.
Hujjatul Islam Seyed Navab aidha amesema kauli mbiu ya ibada ya Hija ya Arbaeen mwaka ujao itakuwa ni uungaji mkono kwa Palestina na kulaani jinai za kinyama za utawala wa Kizayuni.
Habib Reza Arzani, Mwambata wa Utamaduni wa Iran nchini Malaysia, ambaye pia alikuwepo katika mkutano huo, aliangazia jukumu kubwa la misikiti katika jamii ya Kiislamu, alisema kuna zaidi ya misikiti 80,000 nchini Iran.
Alitoa wito wa kunufaisha uwezo wa misikiti na kubadilishana uzoefu wenye mafanikio na misikiti ya Malaysia ili kuandaa mikutano ya kimataifa katika sehemu mbalimbali za dunia.
Arzani aliitaja misikiti kuwa kitovu cha maendeleo makubwa katika ulimwengu wa Kiislamu na kusema pia ina mchango mkubwa katika kukuza umoja wa Kiislamu.
4185594
