Rais wa Iran atembelea Syria, asema baada ya matatizo mengi taifa la Syria limepata ushindi
Rais Ebrahim Raisi amesema hayo leo mjini Damascus katika mazungumzo yake na Rais Bashar al-Assa wa nchi hiyo na kubainisha kwamba, hii leo tunaweza kusema kwamba, Syria imevuka matatizo yote ya vikwazo na vitishho na imeibuka na ushindi.
Rais wa Iran ambaye leo aliwasili nchini Syria na kupokewa na mwenyeji wake katika ziara rasmi ya siku mbili amesema pia kuwa, uhusiano wa Damascus na Tehran ni wa kidugu na umeendelea kuwa hivyo licha ya kimbunga cha kisiasa na kiusalama kilicholikumba eneo la Asia Magharibi.
Aidha amesema, kama ambavyo Jamhuri ya Kiislamu ya Iran ilikuwa pamoja na Syria katika vita dhidi ya ugaidi itakuwa pamoja na serikali na wananchhi wa nchi hiyo pia katika kuikarabati na kuijenga tena nchi hiyo.
Kwa upande wake Rais Bashar al-Assad wa Syria amepongeza na kuthamini misimamo na himaya ya Jamhuri ya Kiislamu kwa serikali na wananchi wa Syria katika masiku magumu na ya mgogoro na kubainisha kwamba, serikali na wananchi wa nchi hiyo katu hawawezi kusahauu huba, mapenzi na misaada ya Tehran kwao.
Marais hao wamejadili pia kwa kina matukio ya hivi karibuni katika eneo la Asia Magharibi na njia za kuboresha zaidi uhusiano na ushirikiano baina yao katika nyanja mbalimbali.
Wakati huo huo,
Waziri wa Mambo ya Nje wa Iran amesema safari ya Rais wa Jamhuri ya Kiislamu ya Iran nchini Syria mbali na umuhimu wake wa kisiasa, kiusalama na kiuchumi ni dhihirisho la ushindi wa irada ya kisiasa ya muqawama na kufanikiwa diplomasia ya serikali katika kukamilisha mchakato wa utangamano wa kikanda.
Hossein Amir- Abdollahian Waziri wa Mambo ya Nje wa Iran ameashiria ziara ya Rais Ebrahim Raisi huko Syria na akasema umuhimu wa ziara hii katika nyuga za kisiasa, kiusalama na kiuchumi unadhihirisha ushindi wa irada ya kisiasa ya muqawama na kufanikiwa diplomasia ya serikali katika kukamilisha mchakato wa ushirikiano wa kikanda.
/4138356
