Gavana awaenzi washindi wa mashindano ya Qur'ani huko Asyut Misri

TEHRAN (IQNA) – Hafla ilifanyika jimboni Asyut, Misri, ambapo wanafunzi 140 ambao wameshinda mataji katika mashindano ya Qur'ani katika jimbo hilo walitunukiwa zawadi kutokana na mafanikio yao.

Mashindano hayo yalifanyika katika kategoria za Tajwid nzuri, Adhana, na Ibtihal (kusoma dua) na Tawashih (nyimbo za kidini dini).

Wanafunzi kutoka sehemu tofauti za jimbo walishiriki katika mashindano hayo katika sehemu mbili tofauti za wasichana na wavulana.

Jumla ya wanafunzi 140 walitangazwa kuwa washindi katika kategoria tofauti mwishoni mwa hafla hiyo ya Qur'ani Tukufu.

Sherehe ya kukabidhi tuzo hiyo iliandaliwa na idara ya elimu ya jimbo hilo na kuhudhuriwa na maafisa kadhaa wa serikali za mitaa na kitaifa, akiwemo Gavana wa Asyut Essam Saad na mbunge Ahmed al-Shinawi.

Washindi hao walipokea vyeti vya heshima na fedha taslimu katika hafla hiyo.

3481876