Şeytan insanın əsl düşmənidir

TEHRAN (İQNA) - İnsanlar həyatları boyu müxtəlif vəziyyət və çətinliklərlə üzləşirlər. Onların bəziləri özünə və ya başqalarına qarşı edilən pislikdir. Halbuki pislik etmək insanların fitrətində yoxdur və buna səbəb olan and içmiş şeytanın insanı azdırmaq üçün etdiyi vəsvəsələridir.

“Şeytan” hər hansı bir şər və ya şər varlığın adıddır, hətta düşmənin adı kimi işlədilir. Amma xüsusi bir şəkildə, dini anlayışlarda bəzilərinin mələk, bəzilərinin isə cin hesab etdiyi qeyri-fiziki varlığın adıdır.

İlahi dinin bəzi ardıcıllarının fikrincə, şeytan insan yaradılmazdan əvvəl Allaha çox ibadət edən və çoxlu elmi olan Allahın xüsusi bəndələrindən idi. Lakin insan yaradıldıqdan sonra Allah mələklərinə insana səcdə etməyi buyurduğunda Şeytan bu əmri qəbul etmədiyinə və Allahdan itaət etmədiyinə görə qovulmuşdur. Ona görə də ona “qovulan” da deyirlər. Şeytan da Allahdan istəyir ki, ona Qiyamət gününə qədər insanları azdırmaq üçün möhlət versin.

İsra surəsinin 61-63-cü ayələri:

"Yenə yadına sal ki, bir zaman mələklərə: “Adəmə səcdə edin!” -deyə əmr etmişdik. İblisdən başqa hamısı səcdə etmişdi. (İblis:) “Sənin palçıqdan yaratdığına mən səcdə edərəmmi?!” –demişdi".

"(İblis) həmçinin: “(Pərvərdigara!) Bir de görək (məni oddan, bu Adəmi torpaqdan yaratdığın halda) nə üçün onu məndən üstün tutdun? Əgər (məni öldürməyib) qiyamət gününə qədər mənə möhlət versən, az bir qismi istisna olmaqla, onun nəslini öz hökmüm altına alaram (və ya yoldan çıxarıb kökünü kəsirəm)".

"(Allah) buyurdu: “Çıx get! (Sənə qiyamətə qədər möhlət verdim!) Onlardan hər kəs sənə uysa, (bil ki) cəzanız Cəhənnəmdir. Özü də tam (əməlli-başlı) bir cəza!".

Şeytanın çox ibadət etdiyinə və həm də özünü insandan üstün tutduğuna görə təkəbbür göstərməsi bu itaətsizliyə səbəb olmuş və bu hadisə şeytanı insanın əsas düşməninə çevirmişdir, çünki o, insanı hər vasitə ilə azdırmağa and içmişdir:

Sad surəsi 82-83. ayələr: “İblis dedi: “Ey Rəbbim, Sənin qüdrətinə and olsun ki, mən insanların hamısını yoldan çıxaracağam, ancaq Sənin ixlaslı bəndələrindən başqa”.

Şeytanın insanlara qarşı etdiyi ilk iş Adəmi aldatmaq oldu. Adəm və Həvva yaradıldıqdan sonra şeytanın hiyləsi və vəsvəsəsi nəticəsində Allahın haram buyurduğu meyvəni yedilər və bununla da Allahın qəzəbinə tuş gələrək cənnətdən qovuldular.

Qurani-Kərimdə Şeytan 88 dəfə zikr olunub. Bunlardan bəziləri şeytanın yaradılışı və üsyanı hekayəsi, bəziləri isə şeytanın və onun tərəfdarlarının sifətləri və aqibəti haqqındadır. Digər bir hissə isə ilahi peyğəmbərlərin şeytanın vəsvəsələri ilə mübarizəsidir. Bunların qeyd edilməsinin məqsədi şeytanı tanımaq və onunla mübarizə aparmağı öyrənməkdir.