40000-dən çox insan Məkkə Quran Sərgisini ziyarət edib
Məkkədəki Qurani-Kərim sərgisinin rəsmiləri 12 gün ərzində sərgini 40 mindən çox insanın ziyarət etdiyini açıqlayıb.
"İQNA", "Sidetti"-yə istinadən xəbər verir ki, Sərgi Səudiyyə Ərəbistanının Sərgilər və Konfranslar Baş İdarəsi tərəfindən Kral Fəhd Quran Çap Dərnəyi ilə əməkdaşlıq çərçivəsində Məkkədəki "Four Points Sheraton" otelində təşkil olunub. Səhər saat 9:00-dan 13:00-a kimi ziyarətçilər üçün açıqdır.
Ramazan ayında sərginin açılışından 12 gün sonraya qədər cəmiyyətin müxtəlif qruplarından qadın və kişilərdən ibarət 40000-dən çox insan, sərgini yaxından ziyarət edib.
Sərgi rəsmiləri ziyarətçiləri qarşılayarkən onların hər birinə Qurani-Kərim hədiyyə edirlər.
