İmam Zamanın (əc) qeybə çəkilməsinin fəlsəfəsi
İQNA, xəbər verir ki, Ayətullah Mehdi Əhədi cümə axşamı, mayınn 26-da özünün həftəlik əxlaq dərsində İmam Zamanın (ə) qeybə çəkilməsinin fəlsəfəsinə toxunaraq deyib: "Həzrətin qeybə çəkilməsinin fəlsəfəsi budur ki, Allah insanlara bir anlayış, elm və idrak vermək istəyir ki, qeybət dövrü camaatın yanında o həzrətin zühur dövrü kimi olsun".
O, bildirib ki, İmamın aramızda olması və əməllərimizə nəzarət etməsi hissi və əqidəsinə inansaq, daha günah etməyəcəyik. Axırəz-zamanda üç şey edilir: Birincisi ələkdən keçirmək, ikincisi üyütmək, üçüncüsü isə həzrət Mehdinin (əc) tərəfdarlarının həqiqətən onun cərgəsində qalıb-qalmadığını görənə qədər onları imtahan etməkdir.
Ustad qeyd edib ki, dəfələrlə görürsən ki, kimsə dindardır və birdən dönüb məsələn xristian olur. Bu, xüsusilə axırəz-zamanda çox olur. Bilin ki, bu, bu dövr və onun imtahanlarından irəli gəlir. İnsanlar düşünməsinlər ki, kimsə dinsiz olsa, o həzrətdən bir şey azalacaq.
Ayətullah Əhədi çətin anlarda Allahın rəhmətindən ümidimizi kəsməməli olduğumuzu vurğulayaraq deyib: "Zərərli fikirlərin arxasınca düşməməyə çalışın və bəsirətli olun. Sözünüz, danışığınız, oturuşunuz və yolunuz, hətta namazınız da Əhli-beytə (ə) bənzəsin. Əgər rəftar və əməlləriniz Əhli-beytə (ə) bənzəsə, həyatda uğur qazanarsınız".
