ایک طرف جہاں اسرائیلی رہایشی عمارات کو مسلسل نشانہ بنا رہا ہے وہی پر فلسطین کے مختلف استقامتی گروپس جوابی حملوں میں تیزی لارہا ہے اور مقبوضہ علاقوں میں خوف کی لہر دوڑ گیی ہے۔ عزالدین قسام بریگیڈ نے الشاطی کیمپ میں صیہونیوں کے قتل عام کے جواب میں تل ابیب اور اشدود کالونیوں کی جانب دسیوں میزائل فائر کئے ہیں-
الشاطی کیمپ میں فلسطینی شہریوں ، بچوں اور خواتین کے قتل عام کے جواب میں عزالدین قسام بریگیڈ نے تل ابیب اور اشدود پر دسیوں میزائل برسائے ہیں۔
صیہونی ذرائع ابلاغ نے بھی تل ابیب اور اس کے اطراف کے علاقوں پر کم سے کم تیس میزائل مارے جانے اور شہر میں خطرے کا الارم بج اٹھنے کی خبر دی ہے ۔
صیہونی فوج نے تل ابیب کے باشندوں سے پناہ گاہوں میں چھپ جانے اور تا اطلاع ثانی وہیں رہنے کی اپیل کی ہے ۔
صیہونی حکومت کے جنگی طیاروں نے سنیچر کی صبح الشاطی کیمپ میں دو فلسطینیوں کے گھروں پر اچانک حملہ کر کے دو خاندانوں کے دس افراد کو شہید کردیا تھا۔
ایک سو چالیس کے لگ بھگ فلسطینی شہید ہوچکے ہیں اور تازہ شہید ہونے والوں میں چھے بچے اور دو خواتین بھی شامل ہیں ۔ فلسطین کی وزارت صحت نے اعلان کیا ہے کہ صیہونی حکومت کی بمباری میں اب تک ایک سو انتالیس فلسطینی شہید ہوئے ہیں جن میں انتیس بچے اور بائیس خواتین ہیں ۔
صیہونی فوج کی جارحیت میں نوسو پچاس فلسطینی زخمی بھی ہوئے ہیں ۔ دوسری جانب عالمی سطح پر مختلف ممالک نے اقوام متحدہ سے مطالبہ کیا ہے کہ اسرائیلی حملوں کو روکنے کے لیے فوری اقدام کریں۔/